Introduction

Is blog me me daily likhunga. without any filter of language. jo aata he bas likhte jaunga. hindi , english, hinglish, marathi jo ayega vese.

Abhi morning ke 7.44 am horhe. barish he badhiya mausam he. kele kha rha. actually me ek mission pr hu. ye mera mission khud ko aur acha krne se related he. acha matlab vaise me bahut acha hu lekin isme me maximum potential ke sath khud ko improve krunga. isme sabse jyada powerful jo muze lagta he vo he daily habits. kuch mahini pehle me aisa nhi tha jesa abhi hu.

Sirf kuch months phle me ek aalsi kism ka ladka tha. 10 bje so kr uth ta tha aur fir fresh hoke apni dukan jaata tha.  aisa roz ka schedule bn chuka tha.  pr muze isme kuch thik nhi laga. life boring lagne lagi thi. sayad issi ki vajah se mere andar se arha tha ki,  life ko intresting banaya jaaye. ye life ko intresting banane ka thought sayad muze ek webseries dekh kr aaya. uska naam "dastak mere dil me" sen cal kapimi he. ye ek romantic comedy Turkish drama he. usme jo lead actor act as a sarkan. uski personality dekh ke me thoda bahut impress hua hu. ye bhi ek reason ho sakta he iss mission/ dil ki icha ke piche. 

Lekin asli reason toh muze lagta he meri thinking jo bachpan se aesi hi he. me pehle se aisa hi hu jo khud ko improvement krte rehta he.

Habits

me apni life change ekdum se nahi krna chahta balki isse roz thoda thoda krna chahta hu taaki ye mera daily routine/ ya life ka hissa ban jaaye aur kabhi vapis naa jaaye. mene kafi saal subah jaldi uthna chaha lekin ye soch kr kr nahi paya ki iska kya fyda. subah uthne ka koi fyda hi nhi nazar arha tha . lekin me sabse yehi sunta rehta tha ki subah jaldi utha chahiye. online content me bhi sab log yehi kehte rehte. lekin logically muze kuch bhi fayda nazar nhi aata tha isliye me vohi 10 baje uthna chalu tha.

Mann se saha nhi gaya aur achanak se subah uthna chalu kr diya. aur isme bahut fyda he.

aap bohot taaza fresh mehsus krte he aur pura din ekdum acha guzr ta he.

Ese hi dhire dhire me aur habits develop krte rahunga jabtak me maximum potential tak naa pahunch jaau.

Abhi mere habits me Subah jaldi uthna , acha content dekhna , workout krna aur laptop pe pasandida kaam krna jiss se earning bhi ho ye sab he.aur aaj se ek aur habit jo ye he daily kuch likhna. blog/journal/ diary/notes/ . 

Ok toh milte he kal